Слике страница
PDF
ePub

What sweeter music wad ye hear,
Than hounds and beigles crying?
The started hare rins hard with fear,
Upon her speed relying :

But yet her strength it fails at length,
Nae bielding can she borrow
In Sorrel's field, Cleckman, or Hag's,
And sighs to be in Yarrow.

For Rockwood, Ringwood, Spoty, Shag,
With sight, and scent pursue her,
Till, ah! her pith begins to flag,
Nae cunning can rescue her:
O'er dub and dyke, o'er seugh and syke,
She'll rin the fields all thorow,

Till fail'd, she fa's in Leader-Haughs,
And bids farewel to Yarrow.

Sing Erslington and Cowdenknows,
Where Homes had anes commanding;
And Drygrange with the milk-white ews,
"Twixt Tweed and Leader standing;
The birds that flee throw Reedpath trees,
And Gledswood banks ilk morrow,

May chant and sing-Sweet Leader-Haughs,
And bonny howms of Yarrow.

But Minstrel Burn cannot assuage
His grief, while life endureth,
To see the changes of this age,
That fleeting time procureth:
For mony a place stands in hard case,
Where blyth fowk kend nae sorrow,
With Homes that dwelt on Leaderside,
And Scots that dwelt on Yarrow.

WOO'D AND MARRIED AND A'.

THE following is a new set, by Mrs. Scott, of Dunbartonshire.

The grass had nae freedom o' growing,
As lang as she was nae awa;

Nor in the town could there be stowin,
For wooers that wanted to ca:

Sic boxin, sic brawlin, sic dancin,
Sic bowin and shakin a paw;
The town was for ever in brulzies,
But now the lassie's awa.

Woo'd and married and a',
Married and woo'd and awa;
The dandelie toast o' the parish,
She's woo'd and she's carried awa.

But had he a ken'd her as I did,
His wooin it wad hae been sma;
She kens neither bakin nor brewin,
Nor cardin nor spinnin ava:
But a' her skill lies in her buskin,

And O, if her braws were awa,
She soon wad wear out o' the fashion,
And knit up her huggers wi' straw.
Woo'd and married, &c.

But yesterday I gaed to see her,
And O she was bonie and braw;
She cried on her gudeman to gie her
An ell o' red ribban or twa:
He took and he set down beside her
A wheel and a reel for to ca',

She cried, "was he that way to guide her,"

And out at the door and awa.

Woo'd and married, &c.

The first road she gaed was her mither,

Wha said, "Lassie, how gaes a'?"

Quo' she, "Was it for nae ither
That I was married awa,

But to be set down to a wheelie,
An' at it for ever to ca'?

An syne to hae't reel'd by a chielie,
That's everly crying to draw?"
Woo'd and married, &c.

Her mither said till her-" Hech! lassie,
He's wisest I fear o' the twa;
There'll be little to put in the tassie,
Gif ye be sae backward to draw;
For now ye should work like a tyger,
An' at it baith wallop and ca',
Sae lang's ye hae youdith an' vigour,
An' weanies and debt kept awa.
Woo'd and married, &c.

"Sae, swith! away hame to your haddin,

[ocr errors]

The mair fool that ye e'er came awa,

Ye manna be ilka day gaddin',

Nor gang sae white-finger'd and braw; For now wi' a neebor ye're yokit, An' wi' him should cannily draw; Or else ye deserve to be knockit, So that's an answer for a'.”

Woo'd and married, &c.

Young luckie thus fand hersel' mither'd,
And wish'd she had ne'er come awa;
At length wi' hersel' she consider'd

That hameward 'twas better to draw,
An' e'en tak her chance o' the landing,
However that matters might fa',
Folks mauna on freets aye be standing,
That's woo'd and married and a'.

Woo'd and married an' a',
Married an' woo'd an' awa,

The dandilly toast o' the parish,

She's woo'd and she's carried awa'.

WOO'D AND MARRIED AND A',

Woo'd and married and a',

Woo'd and married and a',

Was she not very weel aff,

Was woo'd and married and a'!

The bride came out o' the byre,

And O as she dighted her cheeks, "Sirs, I'm to be married the night, And has nouther blanket nor sheets;

« ПретходнаНастави »