The Nith shall run to Corsincon,
And Criffel sink in Solway,
Ere we permit a foreign foe
On British ground to rally!

Fal de ral, &c.

O let us not like snarling tykes
In wrangling be divided;
Till slap, come in an unco loon,
And wi' a rung decide it.
Be Britain still to Britain true,
Amang oursels united;
For never but by British hands
Maun British wrangs be righted!
Fal de ral, &c.

The kettle o' the kirk and state,
Perhaps a claut may fail in't;
But deil a foreign tinkler loon
Shall ever ca' a nail in't.
Our fathers' bluid the kettle bought,
And wha wad dare to spoil it;

By heaven, the sacrilegious dog

Shall fuel be to boil it.

Fal de ral, &c.

The wretch that wad a tyrant own,

And the wretch his true-born brother, Who would set the mob aboon the throne, May they be damned together!

Who will not sing," God save the King,"
Shall hang as high's the steeple;
But while we sing," God save the King,"
We'll ne'er forget the People.

O WHA IS SHE THAT LO'ES ME.

TUNE MORAG."

WHA is she that lo'es me,
And has my heart a-keeping?
O sweet is she that lo'es me,
As dews o' simmer weeping,
In tears the rose-buds steeping.

CHORUS.

O that's the lassie o' my heart,
My lassie, ever dearer;

O that's the queen o' womankind,
And ne'er a ane to peer her.

If thou shalt meet a lassie,

In grace and beauty charming,
That e'en thy chosen lassie,

Erewhile thy breast sae warming,
Had ne'er sic powers alarming;
O that's, &c.

If thou hadst heard her talking,
And thy attentions plighted,
That ilka body talking,

But her by thee is slighted,
And thou art all delighted;
O that's, &c.

If thou hast met this fair one;
When frae her thou hast parted,
If every other fair one,

But her, thou hast deserted,
And thou art broken-hearted;
O that's, &c.

CAPTAIN GROSE.

TUNE" SIR JOHN MALCOLM."

EN ye aught o' Captain Grose?
Igo, and ago,

If he's amang his friends or foes,
Iram, coram, dago.

Is he South, or is he North,
Igo, and ago,

Or drowned in the river Forth?
Iram, coram, dago.

Is he slain by Highland bodies?

Igo, and ago,

And eaten like a wether-haggis?
Iram, coram, dago.

Is he to Abram's bosom gane?
Igo, and ago,

Or haudin Sarah by the wame?
Iram, coram, dago.

Where'er he be, the Lord be near him,
Igo, and ago,

As for the deil he daur na steer him.
Iram, coram, dago.

But please transmit th' enclosed letter,
Igo, and ago,

Which will oblige your humble debtor.
Iram, coram, dago.

So may ye hae auld stanes in store,
Igo, and ago,

The very stanes that Adam bore.
Iram, coram, dago.

So may ye get in glad possession,
Igo, and ago,

The coins o' Satan's coronation!
Iram, coram, dago.

WHISTLE OWRE THE LAVE O'T.

IRST when Maggy was my care, Heaven, I thought, was in her air; Now we're married-spier nae mairWhistle owre the lave o't. Meg was meek, and Meg was mild, Bonnie Meg was Nature's childWiser men than me's beguil'd;

Whistle owre the lave o't.

How we live, my Meg and me,
How we love and how we 'gree,
I care na by how few may see-
Whistle owre the lave o't.
Wha I wish were maggots' meat,
Dish'd up in her winding-sheet,
I could write-but Meg maun see't-
Whistle owre the lave o't.

O, ONCE I LOV'D A BONNIE LASS.

TUNE-" I AM A MAN UNMARRIED."

ONCE I lov'd a bonnie lass,

Ay, and I love her still,

And whilst that virtue warms my breast

I'll love my handsome Nell.

Fal lal de ral, &c.

As bonnie lasses I hae seen,
And monie full as braw,

But for a modest, gracefu' mien
The like I never saw.

A bonnie lass, I will confess,

Is pleasant to the ee,

But without some better qualities

She's no the lass for me.

But Nelly's looks are blithe and sweet,

And what is best of a',

Her reputation is complete,

And fair without a flaw.