To see thee in anither's arms,
In love to lie and languish,

"Twad be my dead, that will be seen,
My heart wad burst wi' anguish.
Beyond thee, &c.

But Jeanie, say thou wilt be mine,
Say, thou lo'es nane before me;
An' a' my days o' life to come,
I'll gratefully adore thee.
Beyond thee, &c.

HERE'S HIS HEALTH IN WATER!

TUNE "THE JOB OF JOURNEY-WORK."

LTHOUGH my back be at the wa',
And though he be the fautor;
Although my back be at the wa',
Yet, here's his health in water!

O! wae gae by his wanton sides,
Sae brawlie he could flatter;
Till for his sake I'm slighted sair,
And dree the kintra clatter.
But though my back be at the wa',
And though he be the fautor;
But though my back be at the wa',
Yet, here's his health in water!

214

AS DOWN THE BURN THEY TOOK

THEIR WAY.

IS down the burn they took their way,
And through the flowery dale;
His cheek to hers he aft did lay,
And love was aye the tale.

With "Mary, when shall we return,
Sic pleasure to renew?"

Quoth Mary, "Love, I like the burn,
And shall follow you."
aye

LADY ONLIE.

TUNE "RUFFIAN'S RANT."

THE lads o' Thornie-bank,

When they gae to the shore o' Bucky,
They'll step in an' tak a pint

Wi' Lady Onlie, honest Lucky!
Lady Onlie, honest Lucky,

Brews good ale at shore o' Bucky;
I wish her sale for her gude ale,
The best on a' the shore o' Bucky.

Her house sae bien, her curch sae clean,
I wat she is a dainty chucky;

And cheerlie blinks the ingle-gleed
Of Lady Onlie, honest Lucky!
Lady Onlie, honest Lucky,

Brews gude ale at shore o' Bucky;
I wish her sale for her gude ale,
The best on a' the shore o' Bucky.

AS I WAS A WANDERING.

TUNE "RINN MEUDIAL MO MHEALLADH.'

SI was a wand'ring ae midsummer e'enin', The pipers and youngsters were making their game;

Amang them I spied my faithless fause

lover,

Which bled a' the wounds o' my dolour again.

Weel, since he has left me, may pleasure gae wi'

him;

I may be distress'd, but I winna complain; I flatter my fancy I may get anither,

My heart it shall never be broken for ane.

I could na get sleeping till dawin for greetin',
The tears trickled down like the hail and the rain:
Had I na got greetin', my heart wad a broken,
For, oh! love forsaken's a tormenting pain.

Although he has left me for greed o' the siller,
I dinna envy him the gains he can win;
I rather wad bear a' the lade o' my sorrow
Than ever hae acted sae faithless to him.

Weel, since he has left me, may pleasure gae wi'

him,

I may be distress'd, but I winna complain; I flatter my fancy I may get anither,

My heart it shall never be broken for ane.

BANNOCKS O' BARLEY.

TUNE "THE KILLOGIE."

ANNOCKS o' bear meal,
Bannocks o' barley;

Here's to the Highlandman's
Bannocks o' barley.

Wha in a brulzie

Will first cry a parley?
Never the lads wi'

The bannocks o' barley.

Bannocks o' bear meal,

Bannocks o' barley;
Here's to the lads wi'
The bannocks o' barley.
Wha in his wae-days
Were loyal to Charlie?
Wha but the lads wi'

The bannocks o' barley.

OUR THRISSLES FLOURISHED FRESH

AND FAIR.

TUNE—“ AWA, WHIGS, AWA."

CHORUS.

WA, Whigs, awa!

Awa, Whigs, awa!

Ye're but a pack o' traitor louns,
Ye'll do nae good at a'.

OUR thrissles flourish'd fresh and fair,
And bonnie bloom'd our roses;
But Whigs came like a frost in June,
And wither'd a' our posies.

Our ancient crown's fa'n in the dust-
Deil blin' them wi' the stour o't;
And write their names in his black beuk,
Wha gae the Whigs the power o't.

Our sad decay in Church and State
Surpasses my descriving;

The Whigs came o'er us for a curse,
And we hae done wi' thriving.

Grim vengeance lang has ta'en a nap,
But we may see him wauken;
Gude help the day when royal heads
Are hunted like a maukin.