Dusty was the coat,
Dusty was the colour,
Dusty was the kiss

That I got frae the miller.

Hey, the dusty miller,

And his dusty sack;
Leeze me on the calling
Fills the dusty peck.
Fills the dusty peck,
Brings the dusty siller;
I wad gie my coatie
For the dusty miller.

THE CARDIN' O'T.*

TUNE-SALT FISH AND DUMPLINGS.'

I COFT a stane o' haslock woo',
To make a wat to Johnny o't;
For Johnny is my only jo,
I lo'e him best of ony yet.

The cardin' o't, the spinnin' o't,
The warpin' o't, the winnin' o't;
When ilka ell cost me a groat,

The tailor staw the lynin o't.

* This Song is in the Musical Museum, p. 449, but not with Burns' name to it.

For though his locks be lyart gray,
And tho' his brow be beld aboon;
Yet I hae seen him on a day,
The pride of a' the parishen.

The cardin' o't, the spinnin' o't,
The warpin' o't, the winnin' o't;
When ilka ell cost me a groat,
The tailor staw the lynin o't.

THE JOYFUL WIDOWER.†

TUNE MAGGY LAUDER.'

I MARRIED with a scolding wife
The fourteenth of November;
She made me weary of my life,
By one unruly member.
Long did I bear the heavy yoke,
And many griefs attended;
But, to my comfort be it spoke,
Now, now her life is ended.

We lived full one-and-twenty years
A man and wife together;

At length from me her course she steer'd,
And gone I know not whither :

+ Published in the Musical Museum, p. 99, but not with Burns' name.

Would I could guess, I do profess,
I speak, and do not flatter,
Of all the women in the world,
I never could come at her.

Her body is bestowed well,

A handsome grave does hide her; But sure her soul is not in hell,

The deil would ne'er abide her. I rather think she is aloft,

And imitating thunder;

For why, methinks I hear her voice.
Tearing the clouds asunder.

THENIEL MENZIE'S BONNIE MARY.*

TUNE THE RUFFIAN'S RANT.'

In coming by the brig o' Dye,
At Darlet we a blink did tarry;

As day was dawin in the sky

We drank a health to bonnie Mary.
Theniel Menzie's bonnie Mary,
Theniel Menzie's bonnie Mary;
Charlie Gregor tint his plaidie,
Kissin' Theniel's bonnie Mary.

This Song is in the Musical Museum, p. 164, but not with Burns' name. It is there set to the tune of the Ruffian's Rant, together with the song "A' the lads of Thornie bank," which is also ascribed to him.

Her een sae bright, her brow sae white,
Her haffet locks as brown's a berry,
An' ay they dimpled wi' a smile

The
rosy
cheeks o' bonnie Mary.
Theniel Menzie's bonnie Mary,
Theniel Menzie's bonnie Mary;
Charlie Gregor tint his plaidie.
Kissin' Theniel's bonnie Mary.

We lap an' danced the lee-lang day,
Till piper lads were wae an' weary,
But Charlie gat the spring to pay
For kissin' Theniels bonnie Mary.
Theniel Menzie's bonnie Mary,
Theniel Menzie's bonnie Mary;
Charlie Gregor tint his plaidie
Kissin' Theniel's bonnie Mary.

THE FAREWELL.

TUNE- IT WAS A' FOR OUR RIGHTFU' KING.'

It was a' for our rightfu' King,
We left fair Scotland's strand;
It was a' for our rightfu' King
We e'er saw Irish land,
My dear;

We e'er saw Irish land.

It seems very doubtful how much, even if any part, of this Song was written by Burns. It occurs in the Musical Museum, p. 513, but not with his name.

Now a' is done that men can do,
And a' is done in vain ;

My love and native land farewell,
For I maun cross the main,
My dear;

For I maun cross the main.

He turn'd him right, and round about Upon the Irish shore;

And gae

his bridle-reins a shake,

With adieu for evermore,

My dear;

With adieu for evermore.

The sodger from the wars returns,
The sailor frae the main ;
But I hae parted frae my love,
Never to meet again,

My dear;

Never to meet again.

When day is gane, and night is come,
And a' folk bound to sleep;

I think on him that's far awa',
The lee-lang night, and weep,
My dear;

The lee-lang night, and weep.