Слике страница
[blocks in formation]
[blocks in formation]

Ye banks and braes and streams around

The castle o' Montgomery,

Green be your woods, and fair your flowers,
Your waters never drumlie!

There simmer first unfauld her robes,

And there the langest tarry;

For there I took the last fareweel

O' my sweet Highland Mary





How sweetly bloom'd the gay green birk,
How rich the hawthorn's blossom,

As underneath their fragrant shade
I clasp'd her to my bosom !
The golden hours on angel wings
Flew o'er me and my dearie;
For dear to me as light and life
Was my sweet Highland Mary.

Wi' mony a vow and lock'd embrace
Our parting was fu' tender;

And pledging oft to meet again,
We tore oursels asunder;

But, oh! fell Death's untimely frost,

That nipt my flower sae early!

Now green's the sod, and cauld's the clay,
That wraps my Highland Mary!

O pale, pale now, those rosy lips,
aft hae kiss'd sae fondly!

And closed for aye the sparkling glance
That dwelt on me sae kindly;

And mouldering now in silent dust
That heart that lo'ed me dearly!

But still within my bosom's core
Shall live my Highland Mary.


[blocks in formation]

R. Burns



When the sheep are in the fauld, and the kye a hame,
And a' the warld to rest are gane,

The waes o' my heart fa' in showers frae my e'e,

While my gudeman lies sound by me.

Young Jamie lo'ed me weel, and sought me for his bride; 5

But saving a croun he had naething else beside :

To make the croun a pund, young Jamie gaed to sea;
And the croun and the pund were baith for me.

He hadna been awa' a week but only twa,


When my father brak his arm, and the cow was stown awa;
My mother she fell sick, and my Jamie at the sea—
And Auld Robin Gray came a-courtin' me.

My father couldna work, and my mother couldn spin ;

I toil'd day and night, but their bread I couldna win;
Auld Rob maintain'd them baith, and wi' tears in his e'e 15
Said, Jennie, for their sakes, O, marry me!

My heart it said nay; I look'd for Jamie back;

But the wind it blew high, and the ship it was a wrack;
His ship it was a wrack-why didna Jamie dee?

Or why do I live to cry, Wae's me?

My father urgit sair: my mother didna speak;

But she look'd in my face till my heart was like to break : They gi'ed him my hand, but my heart was at the sea; Sae auld Robin Gray he was gudeman to me.

I hadna been a wife a week but only four,
When mornfu' as I sat on the stane at the door,
I saw my Jamie's wraith, for I couldna think it he
Till he said, I'm come hame to marry thee.

O sair, sair did we greet, and muckle did we say ;
We took but ae kiss, and I bade him gang away;
I wish that I were dead, but I'm no like to dee;
And why was I born to say, Wae's me!


gang like a ghaist, and I carena to spin;

I daurna think on Jamie, for that wad be a sin;
But I'll do my best a gude wife aye to be,
For auld Robin Gray he is kind unto me.

[blocks in formation]

Lady A. Lindsay



Duncan Gray cam here to woo,

Ha, ha, the wooing o't;

On blythe Yule night when we were fou,

Ha, ha, the wooing o't:

Maggie coost her head fu' high,
Look'd asklent and unco skeigh,
Gart poor Duncan stand abeigh;
Ha, ha, the wooing o't!



[blocks in formation]
« ПретходнаНастави »