If thou shalt meet a lassie,
In grace and beauty charming,
That e'en thy chosen lassie,
Ere while thy breast sae warming,
Had ne'er sic powers alarming.
O that's, &c.
If thou hadst heard her talking,
And thy attentions plighted,
That ilka body talking,
But her by thee is slighted;
And thou art all delighted.
O that's, &c.
If thou hast met this fair one,
When frae her thou hast parted,
If every other fair one
But her thou hast deserted,
And thou art broken hearted.-
O that's the lassie o' my heart,
My lassie ever dearer,
O that's the queen o' woman kind,
And ne'er a ane to peer her.
JOCKEY's ta'en the parting kiss,
O'er the mountains he is gane;
And with him is a' my bliss,
Nought but griefs with me remain.
Spare my luve, ye winds that blaw,
Plashy sleets and beating rain!
Spare my luve, thou feathery snaw,
Drifting o'er the frozen plain.
When 'the shades of evening creep
O'er the day's fair, gladsome e'e,
Sound and safely may he sleep,
Sweetly blythe his waukening be!
He will think on her he loves,
Fondly he'll repeat her name ;
For where'er he distant roves,
Jockey's heart is still at hame.
My Peggy's face, my Peggy's form,
The frost of Hermit age might warm;
My Peggy's worth, my Peggy's mind,
Might charm the first of human kind.
I love my Peggy's angel air,
Her face so truly, heavenly fair,
Her native grace so void of art,
But I adore my Peggy's heart.
The lily's hue, the rose's dye,
The kindling lustre of an eye;
Who but owns their magic sway,
Who but knows they all decay!
The tender thrill, the pitying tear,
The generous purpose, nobly dear,
The gentle look, that rage disarms,
These are all immortal charms.
Written in a Wrapper inclosing a Letter to Capt. Grose, to be left with Mr. Cardonnel, Antiquarian.
ye ought o' Captain Grose?
Igo, & ago,
If he's amang his friends or foes?
Iram, coram, dago.
And eaten like a weather-haggis?
Iram, coram, dago.
Where'er he be, the Lord be near him!
Igo, & ago,
As for the deil he daur na steer him,
Iram, coram, dago.
But please transmit th' inclosed letter,
Igo, & ago,
Which will oblige your humble debtor,
Iram, coram, dago.
So may ye hae auld stanes in store,
Igo,& ago,
The very stanes that Adam bore,
Iram, coram, dago.
So may ye get in glad possession,
Igo,& ago,
The coins o' Satan's coronation!
Iram, coram, dago.
|